மீனவர்கள் நிலை பற்றி ஆவணப்படம் எடுப்பதாகவும் அதற்கு ஒரு பாடல் வேண்டுமெனவும் தோழர் கேட்க அதற்காய் தயார் செய்த பாடல் இதோ...
பல்லவி.
புயலு வந்து கொன்னதெல்லாம்
பழைய சேதிங்க..சிங்கள
பயலு வந்து அடிக்கிறானே
என்ன நியாயங்க ?சொல்லுங்க
என்ன நியாயங்க ?
சரணம் 1
முள்ளில்லா மீனு வாங்க
கடைக்கு போறீங்க-நாங்க
நெஞ்சமெல்லாம் முள்ளாக
நிக்கிறோமுங்க ஆமா..
நிக்கிறோமுங்க...
வலவீசி வலவீசி
தேடிப்போனேமே..
வலயெல்லா மீனாக
நாங்கெல்லா பிணமாக
கெடக்குறோமுங்க....
சரணம் 2
புடிச்சு வந்த மீனுக்கிங்க
துணியில்லீங்க..
புடிக்க போன எங்களுக்கும்
துணியில்லீங்க..ஆமா
துணியில்லீங்க....
அம்மணமா நிக்க வச்சு
அழகு பாக்குறான்-சிங்களவன்
அளந்து பாக்குறான்-தமிழனை
அளந்து பாக்குறான்....
கட்டிவச்ச பாலமொன்னு
முழுகி போச்சாமே ?
கட்டுகதை நல்லத்தா
அவுத்து விட்டிங்க
எல்லைக்கோடு மட்டும்
நீங்க போட்டு வையுங்க...
கடலுல போட்டு வையுங்க...
அழுத்தமா போட்டு வையுங்க..
.jpg)
No comments:
Post a Comment